Hata sipaingot to Medianta TUAN DI BANGARNA

 

Horas!


        Sai Marangkup do na uli mardongan na denggan ta boan ma tutu nuaeng siangkupan songon na hundul sidonganna songon na mardalan. Didok umpasa ni Ompunta Sijolojolo Tubu: 

 

" Mardangka bulung bira, martampuk bulung tabu. 

Sonangma rohaniba molo dung jongjong Media." 

 

        Ia Jabu na didok dison maksud na Media " Tuan Di Bangarna" na kreatif on  ma na manggohi roha ni dahahang on na saleleng on, gabe digogo ma mangula anggiat dapot na manggohi rohana i. Ba hinorhon ni i, pangurupion ni Tuhannta antong, ba:

 

" Tolap do ibana sian Sibuluan, mardalan tu Tampahan. 

Dapotsa do na nilluluan, jumpang do na jinalahan."

 

        I ma dalanna umbahen na marpungu hita nuaeng di media on na pinaulina on, jala nunga marpungu hita di bagas on. Alai adong pe media on, ianggo so marpahala do media i ndada denggan bongotan i ai adong do sipangot ni natuatua:

 

" Labu pe labu i ndang asal suanhononhon,  

Media pe Media dang asal na ingananhon."

 

        Jadi ima alani  umbahen na jinou hamu angka dongan sabutuha, hula hula, boru, ianakhon, dongan sabutuha ro diangka ale-ale, asa rap hita martangiang mangido tu OMPUnta DEBATA mangido asi RohaNA, sai di tambai PasupasuNA, sai dibahen ma antong Medianta on marsangap martua, bagas sibagandingtua, sigomgom pangisina. Sai hot ma antong medianta on di dalanna, togu di parpunguanna jala momos di ransangransangna, asa gabe media na marpahala on, jala asa sai horas jala hipas dahahang on ro di sude hita marpungu di media on. Boti ma. Sai dapot ma huhut songon nidok ni umpasa:

 

Panggu do panggisgis pangko ni bagot bahen hauna, 

Medianta on ma na so ra tiris huhut na togu di dalanna.

Tubu ma saloan ditopi ambar Sihoruhoru, 

Sai na martua ma jabunta on hatubuan ni anak dohot baru.

Andor ras ma tu andor ris tu antor ni parbatua, 

Sai horas ma hamu marpungu di Medianta on sai torkis, sai bage jala sarimatua.

 

        Tarsongon i ma  hata  sidenggandenggan  sian  hita  na  marpungu  di  Medianta  on,  ndang  polo  sai suraton i. 

Horas.

 

 

4 July 2011

 

Redaksi